Que é BFA?

BFA é unha iniciativa promovida pola Xunta de Galicia a través da Axencia Galega de Innovación (GAIN), o Instituto Galego de Promoción Económica (Igape) e a Sociedade Xestora de Entidades de Investimento de Tipo Pechado (Xesgalicia); o Consorcio da Zona Franca de Vigo (CZFV) e Vigo Vigo Activo Sociedad de Capital Riesgo, SA SME (VIGO ACTIVO), a Fundación Clúster de Automoción e Movilidade de Galicia (CEAGA), e Stellantis. O seu obxectivo é a aceleración e consolidación de proxectos especializados en movilidade e automoción e a súa transformación en empresas innovadoras, viables e escalables que atraian e reteñan talento; contribuíndo así a fortalecer a posición do sector e a incrementar a súa proxección internacional.

En BFA os emprendedores disporán dun espazo de traballo, respaldo financieiro, formación e un ecosistema único integrado por titores, mentores, partners e outros axentes; todos relacionados co sector automoción, da mobilidade e dos negocios.

Programas BFA

Programa de aceleración

Un Programa de aceleración deseñado especificamente para os emprendedores da industria de automoción e movilidade. Cunha duración de ata 9 meses, as actividades previstas cetraranse na validación e desenvolvemento do produto ou servizo, definición do modelo de negocio, consecución das primeiras ventas e desenvolvemento das competencias e habilidades do equipo entre outros. Os proxectos participantes poderán instalarse na zona de coworking do programa, no que compartirán formación, tech-meetings e experiencias con outros emprendedores que estén desenvolvendo proxectos no seu mesmo sector e cun grao de evolución similar.

Programa de consolidación

O Programa de consolidación terá unha duración de ata 12 meses, durante os cales se buscará a través de formación e mentorización que as empresas participantes consigan establecerse no mercado e xerar vendas/ingresos recorrentes. Isto conseguirémolo a través dun programa personalizado adaptado ás necesidades de cada unha das empresas participantes, que terán ademais acceso a unha ampla rede de contactos procedentes da industria, apoio financeiro e un espazo de traballo na zona de viveiro das instalacións de BFA.

Timeline

Qué ofrecemos?

ESPAZO DE TRABALLO

Os proxectos participantes poderán situarse nas instalacións que o Consorcio da Zona Franca de Vigo pon ao dispor do BFA na área portuaria de Bouzas (Vigo), moi preto de CEAGA e do Centro de Vigo de Stellantis. O espazo conta con conexión a internet e salas de reunións.
Igualmente, o Consorcio da Zona Franca de Vigo ofrece ao BFA as aulas de formación do Centro de Negocios de Porto do Molle para o desenvolvemento das sesións de formación previstas no programa.

POSIBILIDADE DE COLABORACIÓN NO SECTOR

A participación no programa axudará ás empresas para desenvolverse e darlle unha maior visibilidade para poder chegar aos OEM e TIER do sector. Business Factory Auto é a porta de entrada á industria do automóbil en Galicia para as empresas impulsadas no seo da aceleradora.
Os equipos que terminen con éxito a próba piloto terán a posibilidade de continuar a relación coa empresa, nos termos e condicións que pacten entre eles.

Apoio financieiro

Ata 625.000 € por proxecto:

  • Ata 125.000 € na fase de aceleración, suma dunha subvención a fondo perdido de 25.000 € concedida por GAIN e dous préstamos participativos de ata 50.000 € concedidos por Vigo Activo e Xesgalicia. No caso dos préstamos, poderase valorar una participación directa no capital da compañía.
  • Ata 500.000 € na fase de consolidación a través de dous empréstitos participativos concedidos por Xesgalicia e Vigo Activo. Poderase valorar una participación directa no capital da compañía.

Rede de contactos

Organización de charlas, conferencias e/ou mesas redondas relacionadas con tecnoloxías, mercados, financiación… que faciliten a xeración de sinerxias entre os proxectos participantes e coas persoas asistentes, así como a procura de novas oportunidades de negocio. Este tipo de sesións non só promoven a comunicación e interacción dos participantes con outros emprendedores e empresarios, senon que lles permiten acceder a experiencias, contactos e coñecemento.

Formación e titorización

Formación: o BFA, en colaboración co IE Business School, deseñou e desenvolveu o Programa Avanzado en Management que ten como misión proporcionar formación en xestión e dirección, da máxima calidade contrastada e recoñecida, aos participantes na fase de aceleración e de consolidación do BFA.
Titorización: o titor é a figura que prestará asesoramento personalizado e adaptado a cada proxecto, acompañando aos membros do proxecto ao longo de toda a fase de aceleración/consolidación. As titorías terán dúas modalidades: técnicas e de xestión

Apoio do equipo xestor

Os participantes contan co apoio e consello do Equipo Xestor (liderado por CEAGA) que, composto por profesionais do sector de automoción e emprendimiento, orientan aos participantes durante tódalas fases da iniciativa, desde a fase de convocatoria, pasando por todo o proceso de selección e o programa de aceleración e consolidación.